Roco on Tour » roco

ä neui Tür für üsä Bus

roco — Fri, 05 Sep 2014 11:41:53 +0000

Do üsi Vorgängerin am Schluss ä Kurve no bitz z’Eng gno het, hend mir üses Büsli mit ärä ziimli verbühlte und idruckte Tür übercho. Statt das go usbühle lo und neu lackiere hend mir üs uf em Abruch grad ä neui Tür gsuecht. Schnell sind mir fündig worde. Do diä neui Tür aber no keis ...

Pfingste im Ötztal

roco — Sun, 08 Jun 2014 14:00:46 +0000

Für Pfingste sind mir das Johr mit em Erwin, dä Jeanie und am Reto und dä Carmen für es paar Tag nach Neuhausen im schöne Ötztal. Det hend mir dä neue Camper vum Erwin sowiä s’RoCo-Büsli gebührend igweiht. Näbet es paar gmüätliche Stunde uf em Camping mit Koche, Spiel und em eine oder andere Gläsli ...

Ersti Büsli-Tour nach Chiavenna

roco — Fri, 30 May 2014 13:57:27 +0000

Chum hend mir üses Büsli am Mäntig endlich übercho so sind mir am Dunnschtig an Uffahrt zu üserem erste Usflug gstartet. Mit em 3er-Konvoi Büslis sind mir über dä Splüge nach Chiavenna zum es paar gmüätliche Täg mit Klettere z’verbinge.

Enak Sekali…

roco — Tue, 13 Aug 2013 08:20:13 +0000

3. – 12. August – Jetzt hend mir in üsem letschtä Hotel im „Nusa Dua Beach“ in Nusa Dua icheckt. Das liit ziimli im Südä vu Bali chli unterhalb vu Denpasar und uf dä andärä Sitä vum Surfer Beach Kuta. I dem riisä Resort sind mir jetzt für 9 Nächt bliibe und hends üs guat ...

In Bali uf Tour

roco — Wed, 07 Aug 2013 11:00:55 +0000

1. – 3. August – Nach dem mir üs vum Agus und dä Carla verabschiedet hend sind mer zerscht mol wieder überrascht wordä vu üsärä neue Unterkunft. Mer grad eigeti Boungalow-Hüsli übercho wo mer diä nögste 2 Täg hend chöne gnüsse. Mer sind da auch grad mol ans Meer wo mer dä schwarzi Sand in ...

z’Fuess zum Krater

roco — Fri, 02 Aug 2013 15:16:17 +0000

29. – 31. Juli – Dä ersti Vulkanbsuach hend mer no mit Jeep und dä Rössli bewältigt. Als nögst isch uf zum Mount Ijen gange und det ufä sind mer z’Fuess. Zäme mit es paar wiitere Touriste und dä berüähmte Schwefelträger hend mer üs am morge uf dä Weg zum Krater gmacht. Ä ganz ä ...

Äffli, Rössli und en Vulkan

roco — Wed, 31 Jul 2013 14:46:05 +0000

27. – 28. Juli – Nach dä lange Autofahrt nach Malang sind mer am nögste Tag nomel chli zrug zumä schöne Wasserfall. S’Highlight isch aber eher bim Parkplatz gsi, wo ä ganzi Affäbandi uf üs gwartet het. Und zwor Wort-wörtlich. 😉 Diä hend au uuh herzig usgseh und mer hend diä au grad nöcher müässä ...

Vo Jogja nach Malang

roco — Sun, 28 Jul 2013 14:34:51 +0000

23. – 27. Juli – Am Flughafe in Singapour han i mi vum Roman denn müässe verabschiede. Für ihn isch es bereits zrugg in d’Schwiiz gange. I han dett ä paar Stundä spöter mis Mami und mini Schwö troffä. Zäme isch es für üs denn ab nach Java gange wo mer uf ä 12-Tägigi Reis ...

Final Destination

roco — Mon, 22 Jul 2013 06:59:48 +0000

19. – 22. Juli – Jetzt höcklet mir no am Pool vu üsem Hotel und gnüsset diä letschtä Stunde in Down Under. Nach em Litchfield NP hend mer üs uf nach Darwin gmacht und no 2 Nächt ufämä „fründlichä“ und Muggä-Riechä Camping vor Darwin verbracht. Am erste Tag hend mer üs am Morge uf in ...

Litchfield NP

roco — Mon, 22 Jul 2013 03:59:11 +0000

15. – 19. Juli – Zwei Täg hemmer jetzt dä Krokodil chönna zualuaga wias bädelend und umajumpend. Jetzt isch für üs das au wieder ufem Programm gstanda. Üsers nächsti Ziel isch der Litchfield NP. En NP wos uuu viel schöni Wasserfäll und natürlichi Pools söll ha, anschinend ohni Krokodil. Doch bevor miar üs ds erst ...

KakaDu NP

roco — Fri, 19 Jul 2013 08:56:23 +0000

13. – 15. Juli – Nach dem mir üsä Chüähschrank in Katherine nomel gfühlt hend isch es denn ufä gange zum bekannte Kakadu Nationalpark. En Mittags-Stop hend mir bimänä Lookout über dä Kakadu gmacht. Vu det us het alles wo mer au gseh het, noni würkli spektakulär usgseh und mer sind bi recht heisse Temperature ...

Nitmiluk NP

roco — Sun, 14 Jul 2013 12:03:08 +0000

10. – 13. Juli – Nach 1000km Outback het üs wieder mal d Zivilisation igholt. Miar sind ds Katherine gad achli überforderet gsi mit all dena Lüt und Ichaufszentra. Drum hemmer üs nu schnell uf em Visitercenter informiart, a Kanufahrt für in zwei Täg buachet, Zessa und Alkohol postet und sind möglichst schnell us dem ...

1000 Kilometer

roco — Wed, 10 Jul 2013 03:16:34 +0000

6. – 9. Juli – Jetzt hets gheisse, ab in Norde. Als nöchsts hend üs öpe 1‘000 km fahrt uf em Explorer Way erwartet. Scho nach wenige Kilometer zur Stadt us hend mer nur Stross und chli Buschland gseh. Es isch eifach grad us gange sowit mer het chöne luaga und no wiiter… Nach öpe ...

West MacDonnell Ranges

roco — Wed, 10 Jul 2013 03:05:57 +0000

5./6. Juli – Nach dem mir wieder alles zrugg uf Alice Springs gfahre sind hend mer det üsä Chüählschrank nomel kurz gfühlt. Denn isch es uf en Abstecher in Weste zu dä West MacDonnell Ranges gange. Das isch ä ganze Felseketti mit verschiedänä ischnitt wo mer Wasserlöcher zum bade und schöni Schluchte findet. Mer sind ...

Watarrka NP

roco — Wed, 10 Jul 2013 02:57:36 +0000

3. – 5. Juli – Uf em Weg zum Kings Canyon sind üs doch tatsächlich no 2 wildi Kamel über dä Weg gloffa. Sind wohl diä einzige Tier wo bi därä wärmi in dä Steppe umänand sind. Aber sie hend no recht schön posiert für es Foti. J Acho im Kings Canyon Resort hets für ...

Uluru / Kata Tjuta NP

roco — Fri, 05 Jul 2013 05:38:34 +0000

30. Juni – 4.Juli – Nach dem grandiosa Ufenthalt in Cairns het für üs a neus Abentür agfanga. Miar sind uf Alice Springs is Red Center gfloga. Scho vom Flugzüg us het alles rot glüchtet. Jetzt hät dia rot erda, der grüan Regawald ds Blaua Meer und dia gelba Stränd ersetzt. Und statt 28 Grad ...

Down Under am Great Barrier Reef

roco — Sun, 30 Jun 2013 09:32:10 +0000

23. – 30. Juni – Am Sunntig sind mir mit üsem Jucy denn in Cairns acho. Do sind mer als ersts mol chli go luaga wo diä coole Plätz sind, damit mir üs denn au es Hotel in dä nöchi chönd suachä. 😉 Cairns isch im Zentrum recht übersichtlich und so hend mer üs ä ...

Top of East Coast

roco — Thu, 27 Jun 2013 13:15:49 +0000

21. – 23. Juni – Mit emena Auto ohni 4×4 chama an der Ostküsta maximal bis zum Cape Tripulation fahra. Üsers nördlichsta Ziel an der Ostküsta hemmer aso jetzt in Agriff gno. Uf em Weg det hi simmer no kurz Kuranda, es herzigs Touristadörfli zmizt im Dschungle go aluaga. Det hets ei Markt nach em ...

Tablelands

roco — Mon, 24 Jun 2013 09:41:11 +0000

18. – 21. Juni – Nach üsem actionricha Tag in Babinda hemmer üs uf e gmüatlichi Tour a bits is Innera chönna freua. Miar händ das so genannta Tablelands erkundet, es Plateau, mit Regawald und zahlricha Wasserfäll und Seea. Üsers ersta Ziel isch der MaMu-Boardwalk gsi. En wunderschöna Weg dur der Regawald. Dur dia erhöhta ...

In Babinda uf Tour

roco — Thu, 20 Jun 2013 05:26:49 +0000

17. Juni – Nach dä schöne Insle isch wiiter in Norde richtig Cairns gange. Do hend üs nomel paar 100 Kilometer Auto fahre erwartet. Üses wiiti Ziel isch Innisfail gsi und vu det us en rund Tour ins Inner Tabelland. Aber bis det hend mirs denn noni gschafft. Verbi an riesige Zuckerrohr-Plantage wo sich mol ...

Whitsundays

roco — Tue, 18 Jun 2013 07:13:03 +0000

13. – 15. Juni – Nach üsem top Abentür uf Fraser hemmer üs scho uf es neus dörfa freua. Whitsundays, a wunderschöni Inslagruppa wo Segler us der ganza Welt aziet. Doch bis det hera isch es öpa 900km mim Auto uf em berühamta Bruce-Highway ganga. Uf em Weg hemmer öpa 6 Oposums, 5 Känguru, 3 ...

Adventure uf Fraser

roco — Sat, 15 Jun 2013 03:47:13 +0000

8. – 11. Juni – Wo mer in Hervey Bay acho sind isch üses nöchste Ziel klar gsi. Jetzt wönd mer luaga wiä mer üsi Tour uf Fraser Island buached. In üsem Camping in Noosa hends üs gseit mer müsset uf dä Scarness Camping und det nach dä Marilyn froga. Diä wüssi alles für Fraser. ...

Tin Can Bay

roco — Sun, 09 Jun 2013 00:42:22 +0000

7. Juni – A der Reception vo üsem Camping in Noosa hämmer no zwei wertvolli Tipps becho. Erstens hät sie üs en Camping in Hervey Bay vorgschlaga, wo üs au super in Sacha Fraser Island beratend und zweitens söllemer doch no uf em Weg nach Hervey Bay en Stopp in Tin Can Bay ilegga. Det ...

In Noosa am Paddle

roco — Sun, 09 Jun 2013 00:28:53 +0000

5. Juni – Jetzt sind mer in Noosa und Noosa Heads acho. Nach dem mir bi dä Info verbi gluaget hend und diä üs meh schlecht als recht uskunft gäh hend sind mer denn uf eigeti Fust dä nögst Camping go suacha. In Noosa findet mer ganz schöni Buchte, en Nationalpark direkt am Meer und ...

Mooloolaba

roco — Wed, 05 Jun 2013 06:36:31 +0000

4. Juni – Wo mer am Mäntig obed zum Dreamworld usä sind hend mer üs spontan entschiede glich no ä stückli z’fahre. Wo ane hend mer aber leider nit würkli gwüsst, afach richtig Noosa. Mer hend denn i üsem gschiede Buach no gläse und üs spontan für „Mooloolaba“ entschiede. Da tönt so lustig und het ...

Dreamworld

roco — Wed, 05 Jun 2013 00:16:58 +0000

3. Juni – Juhuuu hüt isch es in Vergnüägigspark gange. Do an dä Cold Cost reihet sich diä grad chli anänand und dä hämmer au eine müässe usprobiere. Als erschts sind mer uf dä Tower uf Terror gange. Do hets üs hinderschi weg katapultiert und en Turm ufä. Da isch aso grad chli igfahre. Nachher ...

Surfers Paradise

roco — Sun, 02 Jun 2013 12:18:26 +0000

2. Juni – Diä spinnet diä Australier. Do hets direkt am Strand plötzlich ä Stadt mit riise Wolkekratzer. Zum bade het mer am vieri drum schu Schatte. Das stört diä Sufer do nit und diä sind bi jedem Wetter und Wellegang dussa und suachet diä beste Welle. I däne vielne Surfer-Shops sind mer denn au ...

Rägäwald

roco — Sun, 02 Jun 2013 12:12:23 +0000

1. Juni – Nach dä schöne Stränd in Byron Bay isch es jetzt los gange in Lamington Nationalpark, in dä Rägewald. Uf dä Fahrt in Dschungel sind mir bitz überland gfahre. Do het denn au Cordelia mol s’Stür überno und dem linksverkehr mol zeigt uf weller Sitä mir gwöhnt sind zum fahre. Jo das abbüge ...

Surfen mit good old Therry

roco — Fri, 31 May 2013 04:45:52 +0000

31. Mai – Gester Aba, kurz nach em Znacht, het üs en Surflehrer „überfalla“ und 10min vollquatscht, wia toll ds surfa isch und wia guat sini Surfschual sig. Für 35 Dollar chömer der ganz morga mit ihm go surfa ga. Er hät gschnorrt wia a Buach und mir händ natürlich nu d helfti verstanda. Da ...

Byron Bay

roco — Thu, 30 May 2013 10:22:32 +0000

29 – 31. Mai – Nach dem mir am Mittwuch üsän Violett-Grüänä Jucy in Empfang gno hend, isch diä ersti fahrt no chli südwärts vu Brisbane, nach Byron Bay gange. Nach dem mer statt blinked, d’schiebe putz hend und a jeder krüzig hend müässe überlege vu weller sitä diä auto jetzt chömet, klappt das au ...

Juhui, mir sind do!

roco — Tue, 28 May 2013 09:52:18 +0000

28. Mai – Nach guat 28h Prosecco, Wii und Bier sind mir trotzdem nüächtern in Brisbane acho. Mit ämä Rägeboge sind mer willkomme gheisse worde. Hüt hend mer d’Stadt chli agluaget und gönd jetzt müäd endli wieder mol go ligge. Morn holet mir üse Camper und los gots noch Byron Bay!

Bald geht es los…

roco — Wed, 22 May 2013 08:31:31 +0000

Wir sind an den letzten Vorbereitungen. Der Blog wurde noch eingerichtet und die letzten Australischen «Nötli» sind bestellt. Wir starten unsere Reise am Sonntag, 26. Mai 2013 mit einem laaaangen Flug via Dubai nach Brisbane. Dort werden wir uns dann unser neues Gefährt suchen… Wir werden euch auf unserem Blog immer mal wieder was berichten ...