29 – 31. Mai – Nach dem mir am Mittwuch üsän Violett-Grüänä Jucy in Empfang gno hend, isch diä ersti fahrt no chli südwärts vu Brisbane, nach Byron Bay gange. Nach dem mer statt blinked, d’schiebe putz hend und a jeder krüzig hend müässe überlege vu weller sitä diä auto jetzt chömet, klappt das au mit em linksverkehr immer besser.
In Byrion Bay sind mir jetzt schu dä zweiti Tag am gnüsse. Das isch es ganz es hübsches Surfer-Hippi-Städtli 😉 Do hend mer wunderschöni und langi Stränd gfunde und alles stoht uf em Surfbrett.
Hüt hend mer ä chlini Wanderig zum Östlichste Punkt vu Australie gmacht und no en hübsche Lüchtturm bsuecht. Underwegs sind mer dur dä Rägewald und hend immer wieder d’Surfer chöne beobachte.
Nach dem mir hüt s’erstmol dä BBQ uf üsem Camping testet hend und 500g Rindfleisch für nit mal 4 Dollar gmacht hend gots morn denn selber mol ins Wasser. Mer versuachet üs selber im Surfe. Hehe… das chunt sicher luschtig. Mol luaga wiä viel mer nachher chönd.
Jo das gseht doch gmüetlich us, i euem Auto.. Cooli Fotis, aber Roman zum Fötele söttsch d`Sunnebrille scho abzieh
Grüessli usem verp…. Oberhelfenschwil
Sali Zämä,
schön, dass ers chönd gnüssä und scho soooo viel erlebt und gseh händ. wo sind d föteli vom surfe….?:-)
i wünsch eu no wiiterhin ä guäti reis und freu mi uf bilder vo eu.
liebs grüässli
andrea